Tuesday 16 November 2010

Du beurre - Butter

La d'mande dé protection pouor l'nom du beurre d'Jèrri a 'té bliotchie par l'Rouoyaume Unni.

Special protection for Jersey butter appears to have been blocked.

beurre = butter
faithe lé beurre = make butter
faithe lé beurre dévant = have pre-marital relations
faithe lé beurre dans ses saûlés = squelch in one's wet shoes

Et d'tchi à liéthe:


Du Beurre
Mais ch'qué j'voulais vouos dithe, ch'tait d'pâlé un p'tit du beure, car nouos satannais fammes de fermiairs mette pus d'sèt qui n'yian faout, et pus i fait caoud, pus i z'yan mette, si craie qu'v'la qui l'conserve, i s'trompe, le sèt en s'dêcomposant d'avec le lait d'beurre qui n'ès pon tréjous èsgoutai; nou vé l'beurre qui se fond et qui touone amé coumme du fi, i s'en perd la mainqui en yiau, l'aoute mainqui se perd en s'appliatissant sus le viaide qué les gouttes d'jiaux laisse et qué nou za dans l'zassiettes.
Lé Beurre
Lé beurre jèrriais bein fait et fait par eune pèrsonne propre est aussi bouon comme autchun et chent fais miyeu qué toutes ches saletés-là d'beurres qué les gens acatent ès difféthentes boutiques en ville! Y'en a qu'iun au monde tchi peut l'battre, et ch'est l'beurre sèrtchais!

Comme tchi faithe lé beurre
Et où'est tch'est l'temps des halles à beurre, dans l'marchi à beurre en ville, et des vend'rêsses dé beurre? Ah, tout dispathu étout! Nou peut dithe qué ch'la s'n allait à grands pas dévant la dreine Dgèrre. Mais, ma fé, quand vînt l'Otchupâtion d'l'Île par les Allemands, hardi d'gens lus r'mîndrent à faithe lé beurre; en cachette, bein seux - pouor ieux-mêmes ou en êchange pouor aut's choses. Un co la Dgèrre finnie, v'là tchi cêssit, et il est probabl'ye' tch'i' y'eut bein p'tit d'fèrmiéthes tchi continnuîdrent à faithe lé beurre auprès ch'la.

No comments: