Thursday 26 January 2012

Lé Jour d'l'Australie - Australia Day

Cork hat and beerAniet ch'est Lé Jour d'l'Australie! Santé!
Today's Australia Day! Cheers!

George d'La Forge vîsitit l'Australie en 1963 et êcrivit des lettres à la Gâzette du Sé entouor l'viage (eune sélection en avait 'té r'publiée dans Jèrri Jadis étout).
Ch'est p't êt' la chaleu tchi fait l's Australiens baithe d'la bièthe. Janmais d'ma vie j'n'en avais veu tant d'goudalée! L's aubèrges sont ouvèrtes à certaines heuthes du jour. L'arlévée, ch'est dé chînq à six. À ch't heuthe-là i' sont tréjous plieinnes dé gens tch'ont eune sé încriyabl'ye! L's alentours dé Sydney (jé n'pourrais pon dithe qué ch'est d'même par toute l'Australie!) i' tchittent lus travas en temps pour êt' là chînq heuthes et baivent autant d'bièthe comme i' peuvent en avaler dans eune heuthe, sachant qu'l'aubèrge freunme à six. Ch't heuthe-là est appelée "Swill hour!" Et les gens en ont tréjous dans la maîson étout. Eune boutelle dé quarte couôtait trais ch'lîns sept pennîns à Richmond, mais 'tait un mio milyeu marchi à d'aut' bords. Lé louis Australien vaut seize chélîns stèrling.

No comments: