Qui sait béni! chan fais, le chain qui voti pour
Le savant Dujardin!
Comme un chour il a cru et y resteza chour
Angniet, demain, sans fin!!!
L'Anmin Flippe
Jean-Thomas Dujardin 'tait un politicien Jèrriais du 19e siècl'ye tch'înspithit d's attaques littéthaithes des plieunmes dé Ph'lippe Asplet et Ph'lippe Langliais. Épis y'avait des sornettes en portraits satiriques étout.
Jean-Thomas Dujardin, a C19th Jersey politician, was the subject of satirical attacks in verse and caricature. Here are some more examples.
Sur l'air du Sire de Fich-Ton-Kang
Sue la presse mes louais sont faites,
Car je vait qu'il est pue zaizi,
Bain pue zaizi,
De vos contrôlé les Gazettes,
Que de contrôlé le marchi;
Oui le marchi.
Mais chutte Nouvelle Chronique
M'a si bain fortement tapait,
Si bain tapait,
Que depie j'en ai la colique,
Et peux à peine marchi drait,
Oui marchi drait.
Refrain.
C'est le Sire Thomas Jean
Qui s'en va zen guerre.
Le sâbre qu'il eut antan
Va renvié sous terre
Tous z'êcrits zutiles,
A deux sou l'numézo,
Même La Voix des Iles
Qui n'aime pas trop.
Une bonne loi sue la presse
Est nécessaire à tout jerri,
A tout jerri.
Si dans les Etats nou me laisse
J'en aizai yune, Ah! sapristi,
Oui sapristi.
Des Editeurs que l'écrituze,
Ne sait pas publiais sans mé,
Jamais sans mé.
Et pour la gazette à pictuze
Quique jour je vais l'êcrazé.
14/2/1874
Brebis et Carottes
Le Grand. - Tu as trop, té, pour tes Brebis et tes Boeufs, que j'té dis.
Le P'tit. - Et té, combain êche que tu as, pour tes caboches et tes navets? nou zen mange diversément en Jerri, je cré bain, et pie je donne des r'chus mé.
Le Grand. - Laisse mé tranquille, tu m'embête!
Le P'tit. - Peut-être bain, mais nou verra yun de chès jours.
Pas de controleChansonAir: Du Roi d'Yvetot.
Ecoutais mé, vous notre anmin,
Je vos trouve bain drôle,
Dêcrize un tas de vrai gniolin
A propos de controle;
Ou venais tréjoue rabâchi,
Mess Dujardin et le marchi,
Pourqui?
Oh ho ho ho! Ah ha ha ha!
Pourrious vous controlé chonna?
La, la.
Pour venin nos pâlé d'itait
Et nos badré la tête,
Y faut être un grand affrontait
Une bain grande bête;
Car si les Etats sont contents,
Qu'importe les raisonnements
Des gens.
Oh ho ho ho! Ah ha ha ha!
Portais nouos r'pos sue tout chonna.
La, la.
Et pas pue tard que mêcredi
Nou pâli de l'affèze
Dans les Etats, et Vickery
Dit la chose est fort clièze,
Au point que nou za décidait
Que lenqui du système était
Parfait.
Oh ho ho ho! Ah ha ha ha!
Admizais don chés Etats là.
La, la.
Les Juges Duhiaume et Gaudin,
Ont la puche à l'ouozeille
Et dizent: Mon pèze benin
La chose n'est pon belle.
Les choses sezont arrangies,
La s'maine des quatre Jeudis,
Mes p'tits.
Oh ho ho ho! Ah ha ha ha!
Ayie patience jusque-là,
La, la.
Un pazeil contrôle est nommait,
Un contrôle à la frouque.
Pêle-mêle L'inspecteur met,
Sans compté dans sa pouque.
Quand tout est hors, nou va r'chévé,
Tout chan que nou veut vos donné,
Man bé.
Oh ho ho ho! Ah ha ha ha!
Admizais chu système-là.
La, la.
De Grouville le Député;
Approuve chu système,
Et nou dit qui va l'êprouvé,
Quique jour pour li même;
Et chonna dans un jour ou deux,
Pour fèze vais qui n'a pas peux,
Bain seux.
Oh ho ho ho! Ah ha ha ha!
Admizais chu Député la.
La, la.
Bennissis vos Etats, Jerriais,
Chute assembliais hors ligne,
Qui soigne bain vos intezets,
De respect oul est digne.
Y zaiment le mêli-mêlo,
Et se moquent du pro-bono
Publico.
Oh ho ho ho! Ah ha ha ha!
Trais hourras pour chès Etats la!
La, la.
L'Anmin Flippe
La Voix des Îles 7/2/1874
No comments:
Post a Comment