Wednesday 4 April 2012

La leune antique

Rive, Roberto (18..-1889) - n. 492 - Morto trovato in Pompei nel 1873La leune dâthe la niêtchie d'argent;
un avion d'au liain rîl'ye lé v'lous;
l'êtaile des vêpres dgêpe avaû l'vent;
la fraîcheu du sé s'sîl'ye tout l'tou.

Des brîngies d'blianc d'pliomb m'a tâchi,
et chutte séthée m'clioue au cannevas
coumme la bliancheu d'corps d'Pompéï,
coumme la chai d'Alma-Tadema.

J'sis êtrav'lé souos un bliu ciel,
bliu coumme des mouaithes, des meurdrisseûthes.
Les avions, ieux, r'jouaingnent les êtailes
atout des blianches couôtuthes tch'enteuthent.

No comments: