Ma moustache est clioutiche;
j'l'ai chithé aniet
auve eune potée d'gofiches,
d'la chithe et d'la g'lée.
I' n'y'a pon dé d'gouts
tch'ôs'sait la rinchi,
et j'l'ai douothé étout
d'onguent (eune pînchie).
I' n'y'a pon d'dêtchèrque
ni d'achie tchi m'niche:
j'l'èrteurque et la vèrque -
ma moustache est clioutiche.
Monday 20 October 2014
Ma moustache est clioutiche
Subscribe to:
Post Comments (Atom)
No comments:
Post a Comment