Thursday 28 May 2015

Le Revers de la Médaille

Né v'chîn l'texte d'aniet d'not' auteu du mais, Livonia:

Here's today's text by our author of the month, Livonia:

Le Revers de la Médaille
Laoutre jour nos hardelles tais bein desappointeais.
Car y'n criyiais pas d'avé d'examen t'channeais.
Car lus chapelle tet en train d'être ergrais,
Et y niavet pas moyen que tout fussent prêt.

Mais comme tchi sait attendre tout vein a temps.
Il en a tet d'même de nos geunes gens.
Un vaîsin lus a offert sa magnifique Chapelle.
Et v'la qu'a réjouit nos geunes hardelles.

Mais vla qui va les mettre à de grand frais,
Y lus faut de neuves robes, les vieilles ne sont pas ergrais.
Comme y s'en vont dans eunne piaiche êtrangiethe,
Y n'veule pas vraiment avè l'air les pièthe.

Y s'en vont les faithe, chest autant dèspaingni,
Car aoutrement v'la qui ne pouorait pas payi;
Y dise qui lus faut un divert "nice" moïchet.
Qui scait brodet est carres et tout scaloppet.

J'èthais mus aimait s'il aveais peut lus en pâsé.
Comme les patates ont fait, n'ou n'peut pas yiafordè;
Mais comme eun prophète n'est pas honoret dans son payï,
Peut être en al1ant ailleurs y trouvthons eun parti.

Chest pourtchi en sacrifiant un p'tit mio,
Y scont hortes pus vites de d'sus men co,
Car ils ont les trente et pîs bein pasets.
Il est grand temps qui scais bein mathies.

Y disent qui lus faut de neux chapiauex,
Car lus viers ne sont pas achteu ascais biauex,
Y lus faut des gants et eun biaue boa;
Des neuves bottes des kauches et excetcra.

Y lus faut etout de neux parapluie,
Car si par malheur y faisait d'la pïyie;
Si par eun coup d'chance un jeune homme lus portait,
Y'n pouorais pas en avè yieun qui sait usait.

Y veulent avè châtcheun lus neu devantè.
Car si par chance le jeune homme veut entrè.
Y les mettreais tout d'un coup! Savous bein pourtchi ?
Pour montré au jeune homme qui savent bein coutchi.

Mais jamais, s'en vont y en daispansè,
Chut examen la s'en va t'i lus couotè;
Y disent quand les gens païe pour entré,
Y veulent entendre du bon et vais du bé.

Me j'dit qu'est Chapelles y devthait être libre entraie,
Les siens qui peuve donnè librement, donneais;
Mais les pauvres qui n'peuvent pas yiafordè.
Ouvraies grande la porte et einviteais les d'entré.

Si eunne pouore femme n'a qu'un douze sou pour accatè eun pain,
Comment qu'ou peut le donné pour vais un examen.
Celui qui a pitiè du pauvre, ou saveais bein l'restant,
Aura sa rècompense devant qui sçait longtemps.

No comments: