Sunday 5 November 2017

Hérichon - Hedgehog

S'ous êtes pouor aver eune fouée pouor la Séthée d'Guy Fawkes, mêfi'-ous des hérichons muchis!

If you're having a Guy Fawkes Night bonfire, watch out for hidden hedgehogs!





Hérichon, hérisson,
pourtchet d'fôssé!
Souos chutte maie né t'muche pon
'chîn à ces sé!

Hérichon, hérisson,
pourtchet d'fôssé!
Cârre-té d'nos rêvillon,
feurs et fîsées!

Hérichon, hérisson,
pourtchet d'fôssé!
Dêhale-té d'un embron
d'ches fielles pilées!

Hérichon, hérisson,
pourtchet d'fôssé!
N'sai pon un nièrmiton
souos not' mouoché!

Hérichon, hérisson,
pourtchet d'fôssé!
Mêfyie-té du brûlon,
n'sai pon brûlé!

Hérichon, hérisson,
pourtchet d'fôssé!
Happe la pathe à banon
dé d'ssouos not' fouée!

No comments: